吴刚师傅撑祥哥唔使食炭嘅

  见到已退出演艺界多年嘅吴刚师傅,大家会谂起乜?郑晴就会谂起搽油、食炭、饮滚油同埋佢卖力为慈善嘅精神啦。不过,唔讲唔知,原来吴刚师傅同竞逐连任嘅民建联立法会议员梁志祥(祥哥)系中学师兄弟嚟㗎,吴刚师傅寻日仲专登去屯门帮祥哥站台、打气添,认真够朋友。

  吴刚师傅话,佢嘅学长,即系祥哥,为香港同新界西出咗好多力,所以祥哥争取连任,佢一定要支持,支持9号梁志祥咁话。吴刚师傅又话,希望大家为咗香港嘅福祉,港人嘅下一代,建构一个和谐、充满温暖同正能量嘅社会,一定要支持梁志祥团队!吴刚师傅咁撑祥哥,唔知新界西嘅市民未来一个月会唔会再见到师傅呢?又会唔会有人咁有眼福睇到师傅嘅高难度表演呢?

  郑晴提提你,祥哥系九月立法会新界西直选候选人,其他候选名单仲有:陈恒鑌、麦美娟、田北辰、周永勤、何君尧、尹兆坚、郭家麒、黄俊杰、冯检基、黄润达、朱凯迪、黄浩铭、李卓人、汤咏芝、张慧晶、高志辉、郑松泰、吕智恆及邝官稳。

内容版权声明:除非注明,否则皆为本站原创文章。

转载注明出处:http://mycrookedweb.com/fengjianji/419.html